Gott hjá Jóni

Húrra Jón Gnarr

Þetta er flott samlíking og sönn, og það eru örugglega allir til í að halda áfram.

Ég held samt að það verði að koma peningar frá þessum þjófum til fólksins í landinu því þeir stálu þessu frá því, ekki áttu þeir neitt sjálfir.  Síðan er að koma þeim úr landi til framtíðar.

Ég er svo sem ekkert reiðari við þá en stjórnvöld og ráðamenn að koma ekki lögum og böndum yfir þessa menn, þeir eru snjallir glæpamenn sem kunna vel á íslensk lög og vita að þau eru HRIPLEK svo vægt sé til orða tekið og siðsemi halda þeir að sé eitthvað ofan á brauð.

Allt fólkið í landinu sem er eigna- og atvinnulaust að stórum hluta vegna þessara aðila, bara verður að sjá þá gjalda fyrir sitt, fyrr nær það ekki góðri heilsu,  því miður.

Líkti þjóðinni við fjölskyldu alkóhólista

Athugasemdir

[Guðjón Sigþór Jensson, 15.12.2010 kl. 10:11]

Jón hefur mikið til síns máls. Honum tekst ágætlega sem borgarstjóri.

Mosi

[Júlíus Valdimar Finnbogason, 15.12.2010 kl. 10:40]

æ æ greyið fólkið sem eyddi um efnum fram. Kennum bara öðrum um, það er best. :o)

[Ólafur Ingi Hrólfsson, 16.12.2010 kl. 08:45]

Hversvegna þá ekki að miða við sykursýki? Nú eða brjóstakrabbamein?

Svo mætti líka notast við þunglyndi - lungnakrabba o.fl.

 Það er mannfyrirlitning að vera með svona samanburð og þeir sem styðja slíkt eru ekkert skárri en narr.

Það verður til dæmis fróðlegt að vita eftir að skammdeginu líkur hve margir alkar hafa fallið í valinn fyrir hendi Bakkusar eða eigin hendi - það væri líka fróðlegt að vita hvert annað tjón verður á þessum tíma sem er erfiður mörgum alkanum og fjölskyldum þeirra.

Þær upplýsingar munu ekki liggja á lausu - enda brenna þær bara á bökum alka og nánustu ættingjum.

En í ykkar huga er þetta aðeins skemmtilegur samanburður. Í hugum annara dauðans alvara.