Bjarki

Ekki veit ég hvað Bjarki sagði á fundinum eða hefur sagt undanfarið.

En hitt veit ég og er viss um að fleiri eru sammála, og það er að verkalýðsforustan er ekki uppteknust vegna félagsmanna sinna.  Það sést best á því sem þeir láta bjóða félagsmönnum sínum af stjórnvöldum já og atvinnurekendum.   Ég er nokkuð viss um að þeirra tími fer oft í að viðhalda sjálfum sér, sinni stöðu og kjörum, sem ekkert eru í líkingu við það sem þeir sættast á fyrir "sitt fólk"

Ég er ansi hrædd um að ef könnun yrði gerð á trausti fólks á Verkalýðsforustuna fengi hún ekki háa einkunn.

Lýsa yfir vantrausti á varaformann VR

Athugasemdir

[VR félagi (IP-tala skráð) 16.12.2009 kl. 14:36]

Ekki fékk forystugrein formanns háa einkunn í síðasta VR blaði.

Það var skelfilegt að lesa álit formanns á því hversu mikið stjórnvöld hefðu gert til að mæta skuldavanda heimilana.  Alegerlega úr takti við þær staðreyndir sem blasa við hvarvetna í samfélaginu.  Hverra hagsmuna gætir formaður með slíkri yfirlýsingu ?  Þetta var eins og blaut tuska framan í andlit stórs hóps VR félaga sem á það eitt víst að geta treyst á stuðning síns félags í baráttu sinni fyrir nothæfum lausnum í leiðréttingu lána. 

VR forystan fær ekki háa einkunn en Bjarki stendur fyrir sínu.

[Jón Óskarsson, 16.12.2009 kl. 15:36]

Það á að vera eðli stéttarfélaga og forystumanna þeirra að vera á hverjum tíma í stjórnarandstöðu og sífellt í vörn fyrir kjör sinna félagsmanna og í baráttu fyrir bættum kjörum.

Þessu hafa nánast allir forystumenn launþegahreyfinganna í landinu algjörlega gleymt.  Samvinna þeirra í stað stöðugrar baráttu við atvinnurekendur er að mörgu leit góð, en menn mega ekki gleyma sér í hlýjunni í fanginu á þeim.

Það er líka algjörlega óþolandi að sjá svona "hallelúja" skrif eins og hjá formanni VR í nýjasta blaðinu.  Að formaður stéttarfélags tali um hátt atvinnustig og nefni 93% til sögunnar í stað þess að hafa áhyggjur af því hversu hátt hlutfall þjóðarinnar er án atvinnu er afar sérkennilegt.  

Sömuleiðis þá má skilja á honum að búið sé að gera allt sem gera þurfi fyrir þá sem eiga í greiðsluerfiðleikum eða hafa áhyggjur af því að geta haldið í húsnæði sitt á næstu misserum.  Meira að segja sjálfur félagsmálaráðherrann hefði ekki skrifað svona lofræðu um eigin verk.